हिजो मात्रै  नेपालका केही संचार माध्यमहरुले माओवादीका विदेश विभाग प्रमुख कृष्णबहादुर महराले र चिनिया अधिकारी को गोप्य टेलिफोन संवाद भनेर एउटा अडियो टेप प्रशारणमा ल्याएका थिए । त्यसमा नेता महरा भनिएका व्यक्तिले सभासद खरिदका लागि ५० करोड रुपियाँ सहयोग मागेको सुन्न सकिन्छ । यसले नेपाली राजनीतिमा पुन तरङ ल्याएको छ । यसपटक प्रेसचौतारी डटकमका काठमाडौ स्थित विशेष संवाददाता रामप्रसाद न्यौपानेले सोही विषयमा नेता महरासंग कुराकानी गरकेका छन् । प्रस्तुत छ । सोही कुराकानीको केही अंश

पछिल्लो समयमा बजारमा यहाँले चिनियाँ अधिकारी संग सभासद खरीदका लागि रकम माग गरेको कुरा भन्ने टेप सार्वजनिक भएको छ नी बास्तविकता के हो ?

मैले पनि यो कुरा हिजो मात्रै थाह पाए र तत्काल विज्ञप्ती मार्फत खण्डन गरिसकेको छ । किनकी यो सरासर मेरो र पार्टीको चरित्र हत्या गर्नका  लागि रचिएको प्रपन्च बाहेक अरु हुनै सक्दैन् । समग्रमा यो एउटा षडयन्त्र मात्रै हो ।

तर बजारमा पार्टी भित्रकै असन्तुष्ट पक्षले यो टेप बजारमा ल्याएको हो भनिन्छ नी ?

पहिलो कुरा यो मेरो टेप होइन । मेरो यस्तो कुरानै भएको छैन भने यो पार्टी भित्र वा बाहिरबाट आयो भन्ने कुरा नै रहेन् । दोस्रो कुरा मैले पार्टी भित्रको षडयन्त्र हो भनेर भन्न पनि चाहन्न किनभने हाम्रो पार्टीका साथीहरुले यस्तो हरकत गै्र सक्दैनन् र त्यो सम्भावना पनि छैन ।तेस्रो कुरा यो कुरा कुनबेला बाहिर आएको छ भने भोली प्रधानमन्त्रीको निर्वाचन हुदैछ ।त्यसका लागि हाम्रो पार्टी र मधेसी पार्टीहरुबीच सकारात्मक मोडमा कुरा हुदै गएको छ । कतै यो कुरा भोलीको चुनावमा माओवादीको पक्षमा समर्थन आउला भनेर गरिएको षडयन्त्र नै हो भन्न गाह्रो छैन ।

यसअघिको निर्वाचनमा पनि माओवादी माथि  मालेका सभासदहरुलाई पैसा खुवाई पार्टी फुटाएको र आफ्नो पक्षमा पारेको भन्ने आरोप लागेको छ के यो घटनालाई अहिले संयोग मात्रै भन्न मिल्छ र ?

विल्कुल । यो सुनियोजित षडयन्त्र मात्रै हो । यसको कुनै पनि रुपले पुष्टी हुन सक्दैन । मैले फेरी पनि भन्दछु मेरो र पार्टीको चरित्रमा धव्वा लगाउन यो खालको घृणित प्रपन्च रचिएको हो । यसको मैले हाम्रो पार्टीले कडा शव्दमा भस्रना गरेको छ । र यो टेप प्रशारण गर्ने मिडियामा पनि त्यसको खण्डन प्रेशित गरिसकेका छौ ।

अस्ति मात्रै माले महासचिव सीपी मैनालीले ५ करोड रुपियाको प्रस्ताव गरेको भनेका थिए । त्यस अघि प्रधानमन्त्रीको निर्वाचनमा फ्लोर क्रस गरेपछि फोरमका शिर्ष तहबाट पनि माओवादीले पैसाको चलखेल गरेको भन्ने आएको थियो  यसरी निरन्तर आउदा त केही छ कि भन्ने पनि हुदैन र ?

त्यसको त पुष्टी हुन पर् यो  नि । कुरा आउदैमा सवै सत्य हुदैन । मालेका महासचिवले त्यो कुरा प्रमाणित गर्नुपर् यो वा अन्य नेताहरु जसले माओवादीले पैसाको खेलो गरेको छ भनेका छन । उनीहरुले पनि प्रमाणित गर्नुपर् यो । बे प्रमाणका आधारमा यसरी गम्भीर प्रकृतिका कुराहरुलाई सार्वजनिक गर्दा त्यसले पार्टी र व्यक्तिलाई कति नोक्सान पुर् याउछ सो पनि विचार गर्नुपर् यो नि ।

त्यसो भए यसको छानवीनका लागि तपाँइ कानूनी बाटो तिर पनि लाग्दै हुनुहुन्छ  कि ?

सोच्दै छु । यो कुरा कहाबाट कसरी आयो भन्ने कुराको अनुसन्धान हुनपर्छ भन्ने म छु  । किनभने यसले मेरो र पार्टीको चरित्र हत्या गरेको छ । त्यसबारेमा पार्टी संग पनि सल्लाह गरेर काम अघि बढछ ।

टेपमा तपाँईको संगै मिल्ने आवाज कसरी आयो होला ?

होइन । अहिलेको प्रविधिको युगमा आवाज मात्रै होइन । फोटो उस्तै बनेको हुन्छ । डे्रसअप पनि फेर्न वा मिलाउन मिल्छ । सोही प्रकि्रयाबाट गरिएको हुन सक्छ । आवाजको भरमा मात्रै आरोप लाउनु युक्ती संगत कुरा होइन् ।

पछिल्लो पटक माओवादीलाई चिनियाँ अधिकारीसंग जोडिएको छ  यसको कारण के होला जस्तो लाग्छ ?

हो यो अलि गम्भीर कुरा  छ । किनभने हामी हामी सवै मित्रराष्ट्रहरु संग समदुरी र समान सम्वन्ध राख्न चाहन्छौ । पछिल्लो समय चीन संग सोही नीति अनुरुप पार्टीको सम्वन्ध विस्तार भई गएको छ । यो प्रकरणबाट  के बुझन सकिन्छ भने चीन संगको सम्वन्धमा फाटो पार्न सकियोस  भन्ने नै हो ।