शनिवार, मंसिर ०९ गते, २०७४
Saturday, November 25, 2017
पत्रकार, प्रेमिका र डिसहोम


‘तपाई सोच्नेमात्रै हो, केही गर्नुहुन्न’ ठ्याक्कै ६ महिना बितेछ । उनले यसो भन्दै आ’को । ‘अंग्रेजी पढ ।’ ‘फ्रेञ्च भाषा सिक ।’ ‘पीएचडी इन्रोलको तयारी गर । ‘भावना, कल्पना, आशा, क्षणिक आनन्द र उत्तेजनाका पांग्राले थोरै माइलेज दिन्छ । मिटरमा गन्ती गरेर माइलको जीन्दगी चल्दैन ।’
न्यानो आंलिगनमै कहिलेकाँही भन्थिन् । ‘समयको चिप्ल्याइले यहाँसम्म आइपुगेको जीन्दगी माइलमा नापेर पनि त पुग्दैन ।’ म सोच्थें । ‘भाव उत्तेजनाको गन्थन होइन यो, कुनै हालतमा मिडियामा बस्दिँन तिम्रो कसम ।’ यस्तै भनेर सम्झाइरहेँ ।
पत्रकारिताको छालमा हेलिएँ, अहिलेसम्म छाडेको छैन । किनारा लाग्न खोजेको हो । छालले किनाराभन्दा मझधारमै हुत्याउँछ । न छोड्न सकेको । न गर्न सकेको, घिस्रिएको मात्रै ।
‘सायद तपाईलाई काँचको पर्दाबाट संसार नियाल्दा सिर्फ आर्दश, भावना र भावावेशमा यसो भन्दैछे भन्ने लाग्ला । रंगहीन जीवन रसविनाको कागतीको खोस्टाजस्तै त हो नि । चिम्म गर्दा मष्तिस्कमा आउने रंगीन चित्रको आकार प्रकार र सपनाबारे कल्पिनोस् एकैछिन ।’ हिजो उनले फेसबुकको इनबक्समा लामो म्यासेज लेखेकी रहिछन् । ‘जीवनका रंगीन सपना, कल्पनासंगै मन फुकाएर रुन चाहन्छु । धित पुर्‍याएर आँसु बगाउन चाहन्छु । पेटभरिको पीडा ओकल्न चाहन्छु । तर, पाउँदिन । किनभने निरर्थकको म्याराथुन यात्रामा तपाई निस्किनु भएको छ । क्षितिज छुने सपनामा । तर,तपाईलाई थाहा छैन, म्याराथुनको लँस्ट प्वाइन्ट र क्षितिज । फगत दौडाई मात्र छ ।’
उनको चाहना र अपेक्षाले निथु्रकै भिजेको छु, साउने झरीले झै । निरन्तर चुटिएको छु,असिनाले झै । सपना पनि सिऊसिऊ गर्दैछन् पुषको ठण्डीमा ओंतविनाको गोठका वस्तुजस्तै । थाहा छ, चोटैचोट, अभावैअभाव र पीडैपिडामा जीवन सप्तरंगी बन्दैन । म कसलाई सुनाऊ जीन्दगीका रामकहानी ? उनलाई ? बाआमालाई ? दाजुदिदीलाई ? अहँ सक्दिँन, कसैलाई सुनाउन ।
०००००
शुक्रबार, रातको ११:३० बजे ।
मोबाइल बज्यो । ‘सायद बैठकबाट कसैले समाचार दिन लाग्यो कि ?’ सोंचे । होइनरहेछ । उनैले फोन गरेकी रहिछन् । फेसबुकमा म्यासेज गरेपछि दुई दिनसम्म पुरै सम्र्पकविच्छेद थियो । उपदेश भनौं या वास्तविक कथन । जे भने पनि उनलाई दिने जवाफ थिएन मसँग । हिम्मत पनि भएन । र, रिप्लाई गरेको थिइँन । त्यसैले पनि उनी साँच्चै केही भन्ने मूडमा थिइन सायद । मोबाइल बिजी राख्न मिल्थेन, भित्रबाट सूचना आउथे बेलाबेला । अर्कातिर उनको मूड अफमा रिसिभ गर्न ठीक ठानिँन । काटेँ ।
फेरि मोबाइलमा म्यासेज टोन बज्यो । उच्चस्तरीय राजनीतिक समिति र असन्तुष्ट दलहरुको बैठकमा सहभागी नेताको म्यासेज रै’छ । पढेँ । बैठकको केही सूचना थियो । ‘सहमतिमा आजै हस्ताक्षर हुने । सहमतिको बुदाँ ड्राफ्ट हुँदै ।’ न्यूज ब्रेक गरियो । टिभीमा लाइभ दिएँ । लाइभमा भन्दिँए ‘ ढीला गरी आज नै सहमतिमा हस्ताक्षर हुदैँछ । हस्ताक्षरले राजनीतिक स्थिरताको संकेत गर्छ । र, दलहरु जिम्मेवार बन्न थालेको पुष्टि पनि गर्छ ।’ अरु च्यानलका साथीहरुले न्यूज पठाएकै रै’नछन् । उनीहरुलाई न्यूज रुमबाट दबाब आएछ । मलाई पो सोध्न थाले । सूचना भन्दिँए । बैठक टुंगेको थे’न ।
०००००
हामी रिपोर्टर आईसिसी भवनको राष्ट्रिय बाणिज्य बैंक छेऊको गेटमै जोडिएको चिया पसलमा थियौं । चिया पसल भन्नुमात्रैको । दिउरेमा उम्लिन्थ्यो चिया । कहिलेकाँही लोग्नेप्रतिको आक्रोश पनि चियाझै उम्लिन्थ्यो ती सेती दिदीको । ‘हात्तीभन्दा हल्ला ठूलो’ राजनीति व्यंग्य गर्दा दिल खोलेर हाँस्थिन् दिदी । दिनभरि दारु धोक्ने श्रीमान् पालेकै थिइन् । सरकारी स्कूलमै सही, दुई छोरा पढाएकै थिइन् ।
आइसिसीमा बैठक हुदाँ राति १२ बजेसम्मै बस्छिन् हाम्रै लागि । सेती दिदीको चिया पसल बिहान चाँही बेस्सरी चल्छ । ५ बज्न नपाउंदै आउँछिन् । र, बस्छिन् साँझसम्मै । कस्तरी खटिएर काम गरेकी होलिन् । सोच्छु कहिलेकाँही । मेरो पनि खटाइ कम हो र ? बिहान ११ बजेतिर अफिस पुगेको मान्छे राति १/२ त त्यसै पनि बज्छ । कहिले त झिसमिसमै कुद्नुपर्छ । फरक यति हो, सेती दिदीले जिन्दगी नगदमा चलाएकी छन् । मैले उधारोमा ।
शुक्रबार पनि चियाको कपसँगै घण्टाहरु कट्दै थियो हाम्रो । चुरोटको धुवाँसँगै रातका प्रहरहरु उड्दै थिए । मेरो पेटमा चारो नपरेको बिहानको खानासँगै हो । टाढा जाने अवस्था थिएन । नेता निस्केलान् । बाइट छुट्ला । चिन्ता थियो । नढाँटी भनुँ ? ‘नेता छुट्ने भन्दा रित्तो खल्ती बानेश्वर चोकसम्म डोर्‍याउन सक्थेन । त्यही दुई कप कालो चिया र एक खिली चुरोट धानिन्थ्यो होला खल्ती टकटक्याउँदा ।’
०००००
रातको ११: ४५ भइसकेको थियो ।
टिभीमा लाइभ रिपोर्ट सकियो । अनि उनलाई फोन गरेँ । फोन काटिन् । ‘आई एम एट मिटिड, आई कल यु लेटर ।’ म्यासेज सीधासिधी व्यंग्य थियो । असन्तुष्ट दलसँग संयन्त्रका दलका नेताहरुको वार्ता भै’राथ्यो । आज ठोस निष्र्कष आउँछ भन्दै थिए नेताहरु । हट न्यूज बन्नेवाला थियो । म्यासेज आयो । मोबाइलमा हेँरे । ‘सहमति गर्ने सहमति भयो । भोलि ५ बजे बैठक बस्ने ।’ खङग्रङ भएँ । १५ मिनेट अघि सहमति हुने ब्रेकिङ न्यूज । अहिले सहमति भाँडिएको ब्रेकिङ न्यूज । ‘दर्शकले के भन्ने होलान् ?’ लाइभ दिन मन लागेन । अफिसले माने पो । दिनभरिको भोक । चुरोटको धुवाँ र चियाको बाफसँगै फुंग उडेको अनुहार । ब्रेकिङ न्यूज नै खत्तम भएपछि उठेको रिस । दलीय प्रवृत्ति भन्दै लाइभमा खुब पोखियो ।
०००
‘न्यास्रो लागिरा’छ, शनिबार ठमेलको हिमालयन जाभामा भेटौं न ।’ हिजो भनेकी थिइन् । दलीय वार्ताको रिर्पोटिडमा व्यस्त । खल्तीमा सुको नभा’को अवस्था । त्यसैले फिक्स गरेको थिइँन । अत्यास त मलाई पनि लागेको हो । ठ्याक्कै तीन महिना भा’ थियो न्यानो आलिंगनमा नबाँधिएको । इच्छा र रहरहरु, चाहना र उद्देश्यहरुसँगै चुम्बन नगरेको । म पनि भेटेर मनको कुनामा छचल्किरहेका छालहरु, असीम तरंगहरु पोख्न चाहन्थे उनको न्यानो काखमा ।
अघिल्लो महिना चुनावी रन्कोबारे रिपोर्टिङमा इलाम जानुपरेकाले भेट्न साइत परेन । इलामबाट फर्केकै दिन फोन गरिन् । कोटेश्वरको भाटभटेनी सुपरमार्केटमा बोला’की थिइन् । लखतरान थिएँ । कोठामा पुर्लुक पल्टिएँ । ‘तपाई मैले बोलाउँदा कहिले पो आउनुभा’छ र ?’ आक्रोश र प्रेम एकसाथ पोखियो ।
भेट पातलिनुमा रिपोर्टिङको चटारो भन्दा अर्कै कारण थियो वास्तवमा । जो भन्न सक्दिनथें । चाउचाउजस्तो मन बनाएर पनि धेरै कुरा लुकाउनुपर्ने रै’छ । इलामबाट हरियो चियाको पत्ता ल्याइदिन भनेकी थिइन् । दिनै नपाई काभ्रे जानुपर्ने भो, एकहप्ताका लागि । पछि रामेछाप र दोलखा पनि पुग्ने कुरा भो । दुई हप्ता त्यतै बित्यो ।
००००
अफिस जाँदा बाटोमा पर्छ भृकुटीमण्डप । त्यही बोलाएँ । समाचार प्रशारणको समय हुन लागेको थियो टिभीमा । हरियो चियापत्ता दिएँ, पानको पत्ता सम्झेर । एक महिनासम्म हरियो के बाँकी रहन्थ्यो । नाममात्रैको हरियो । चियापत्ता पो हरियो रहेन, प्रेमले मन हरियाली नै छ नि । ठट्टा गरेँ । मन्द मुस्कान छोडिन् । उनी मुस्कुराउँदा गालामा पर्ने खोपिल्टो मलाई औधी आर्कषक लाग्छ । आज खटाएरै हाँसिन् । छोटो भेट, सायद छोटै हाँसो । लामो भेट त्यही चित्लाङको हो हाम्रो, एक रातको । रंगीन जीवनका सप्तरंगी सपनासँगैको रात । स्मृतिहरु अहिले पनि ताजा भएर आउँछ । एउटा आनन्ददायी कथाको सुरुवात । सुरुसुरुमा म पनि मनको थैली ह्वाङ्गै पारेर पोखिएको हो । न्यानो अँगालोमा बाँधेकै हो ।
 ००००
दुई बर्षपहिला मेरो फेसबुक पेजमा उनले लाइक गरेपछि चिनापर्ची भा’ हो । ‘हाई, आराम हुनुहुन्छ ? अप्ठ्यारो नमान्नुहोला है, तपाईलाई टिभीमा साँच्चै राम्रो देखिन्छ । तपाईको न्यूज पढ्ने शैली युनिक लाग्छ मलाई । खुब मन पर्छ ।’ फेसबुकको त्यही म्यासेज हो, हाम्रो सम्बन्ध बढाउने तत्व ।
बत्तीसपुतलीमा पुख्र्यार्ली घर । त्रिविबाट अर्थशास्त्रमा स्नातकोत्तर । नाम चलेको बैंकमा जागिर । ५ फिट २ इञ्च अग्ली । न मोटी न पातली । छिनेको बारुली कम्मर । गोलो अनुहार । गहुँगोरी । राता पीरा गाला । द्रेबे गालामा कालो कोंठी । आँखामा गाजल । मीठो मुस्कान । मुस्कानसँगै गालामा पर्ने खोपिल्टो । मसिनो स्वर ।
कम्मरसम्म झर्ने सिलिक्क परेको निख्खर कालो केश । कालोे जिन्स पाइन्ट । र कालै कोट । गालामा रातो सल । पुठ्ठ उठेको छाती । साँच्चै लोभलाग्दो । बैंकको ड्रेसमा झन् कम्ता खुलेकी हुन्थिनन् ।
००००
बजार पिटेकै ब्रोडसिट दैनिकबाट हाम्फालेको हुँ मैले काँचको पर्दातिर । दुई बर्ष भा’थियो । समाचार किल गर्ने सम्पादक र प्रकाशकसँग कुरा मिल्थेन पत्रिकामा । पेड न्यूजको विवाद । तलबको लफडा । व्यावसायिक र स्वतन्त्रता त नाम मात्रै । बाइलाइन न्यूजले पेट नभरिने । खोजपूर्ण रिपोर्टले सनसनी मच्चाउँदा कोठाभाडा भाग लाग्दो रैन’छ । किराना पसले दाइको उधारो ग्राफ एक्स अक्ष्ँतिर झर्दोरहेन छ । छोडिदिएँ पत्रिका ।
दुई वर्ष पहिला पनि नाम चलेकै एफएमबाट सपना र आशालाई साथ लिएर पत्रिकातिर लागेको हो । ओहो भो, एफएमको रामकहानी सम्झिनै मन छैन । तलब त एकादेशको कथा थियो । व्यवहारमै व्यहोर्न नपरेकाहरुलाई व्यहोर्नुको असाध्यै चहर्याउने पीडा के थाहा ? व्यहोर्नुमै दुनियाँको रंगीन पर्दा खुल्दोरहेछ । र, सम्बन्धहरु कसरी काँचझै झर्याझुरुम हुदाँरैछन् भन्ने चेत पनि खुल्दो रै’छ । पत्रिका छोड्दा गहिरो गरी मिडिया मोह छेऊ लाग्दै थियो । लेऊ लागेर बस्नुभन्दा छेऊ लाग्नुमा मज्जा देख्दै थिएँ । काँचको पर्दाबाट बोलाए । केही महिनादेखि बेरोजगार थिएँ । दुई/चार ठाँउ धाएको पनि थिएँ जागिरका लागि । कतै मेरो नाम सुनेरै तर्सिन्थे । कतै पत्रकारलाई जागिर दिए संस्थाको गोप्यता रहँदैन भन्थे । बाहाना र आक्रोश थुप्रै थिए । दिनदिनै फोन गर्ने साथी, समाचार स्रोत,व्यापारी,नेता,कर्मचारी सबैसबै पत्रिका छांडेपछि पातलो सम्बन्धमा थिए । हिजो पो पावर र पहुँचमा थिएँ । आखिर पत्रकार खोलाको फड्के न हो, बाढी आउँदा तर्यो सकियो । ‘महिना दिनमै सम्बन्धहरु पातलिएका मात्रै थिएनन, गौंडा ढुक्नेहरु पनि निस्कन थालेका थिए । सोंचे । ‘जे भए नि काँचको पर्दाको अनुभव पनि हुने, जागिर पनि पाइने । पुरानो सम्बन्ध पनि जोडिने ।’ टिभीलाई कन्र्फम गर्दिएँ । एकवर्ष त जागिरको पांग्राले जेनतेन तानेकै हो । यता,चाँहि साँच्चै माइलेज घट्दै गा’को छ ।
०००००
अफिसको गाडी छाड्न आउँछ बेलुका, पुरै काठमाडौ घुमेर । १२ बजे हिँडेको गाडी मेरा कोठामा आउँदा ठ्याक्कै बिहानको दुई बज्छ । ढोका खोल्नेवित्तिकै ह्वास्सै गन्ध आयो । गन्धले नै ढलिएला जस्तो । रातदिन झ्याल बन्द । कहाँबाट हावा छिरोस् गन्ध नहुनलाई । लखतरान ज्यान । दिनभरिको तनाव । किचनमा छिर्नै मन थिएन । साहुको जिक्री दोस्त हो श्यामनारायण । कर्जा सूचना केन्द्रले कालोसूचीमा राखेको व्यापारी हो ऊ । कहिलेकांही रक्तचन्दन तस्करीमा नाम आउँछ । उसले टिभीका स्टाफलाई सोल्टी होटलमा पार्टी दिएको थियो हिजो । बान्डेड दारु चाख्दाचाख्दै धेरै भएछ । मासुमा चिल्लो पनि बढी भएछ सायद । आज निकै दुःख दिइरा’छ ग्यास्टीकले । फेरी दिनभरि चियामात्रै ।
कुकरमा बिहानकै भात थियो, कक्रक्क परेको । किचन र्‍याक हेरेको, तरकारी केही रहेनछ । चामलचाँहि कसोकसो हिजोमात्रै एक किलो ल्याएको थिएँ । आलु उसिन्ने कि भन्ने लाग्यो । हेरेँ । छैन । एउटा चाउचाउ रै’छ । त्यही पकाउन लागें । झ्याप्पै ग्याँस निभ्यो । ‘के भएछ ?’ यसो हेरेको ग्याँस नै सकिएको रैछ । ‘आऽऽ यही खा’र सुत्नुपर्‍यो । पल्टिएँ पलङमा ।
औंला भाँचे । दिनगिन्ती गर्न मन मानेन । घण्टा । दिन । हप्ता । महिना । बर्ष । अहँ केही जोडिँन । हिसाब मिल्ने भए पो औंला भाँच्नु । व्ययको ग्राफ एक्सअक्षतिर उकालो चढेकै छ । आयको ग्राफ वाई अक्ष्ँतिर झर्दोछ । ९ महिना भो अफिसबाट सुको नपा’को । तरकारी पसलेको उधारो नतिरेको ६ महिना भएछ । किराना पसले दाईको घरको छेऊ लागेर हिँडेको कथा झन् कतिकति । अस्तिमात्रै पुतलीसडकमा भेटिए । ‘उधारो खाएपछि तिर्नुपर्छ भन्ने था’छैन ?’ सडकमै सात्तो खाइदिए । घरबेटीलाई मुख नदेखाएको गन्ती नै छैन । कोठामा भेट्ला भनेर बिहानै निस्कन्छु । बेलुका त्यसै पनि राति १/२ बजिहाल्छ । धन्न, बेलुका मुलगेटमै भोटेताल्चा मारेका छैनन् अहिलेसम्म ।
०००००
अस्तिमात्रै हो ‘तलब पाइन्छ कि भनेँ’ अफिसमा । रन्की हाले चेयरमेन बुढा । ‘जागिर पनि तलब पनि पाइन्छ ?’ ‘जागिर र तलबको फरक नबुझ्नेले काँचको पर्दाबाट के सिकाको होला है ?’ यस्तै भन्दा हुन् सायद सडकमा । तलब र जागिरको फरक नबुझ्ने कस्तो मूर्ख म । गाममा बाले सहर पसे’सि राम्रो जागिर खाएस् । तलब पनि राम्रै हुन्छ भन्थे । ‘शहर पसेको छोरो काँचको पर्दामा देखिन्छ । टाईसुटमा हुन्छ । देश विदेशको कथा भन्छ । नेतादेखि अभिनेतासँग गफ गरेको छ । शानले अन्तर्वार्ता गर्छ । दर्शनका कुरा । अध्यात्मका कुरा । राजनीति । साहित्य । सबैसबै बारे बोल्छ । छोरो साँच्चै विद्धान भएछ ।’ बाले ठानेका छन् । पत्रिकामा हुञ्जेल बाले केही गन्थेनन् मलाई । गन्नलाई अक्षर पढ्न जानेका भए पो । फेरि गाममा पत्रिकै पुग्थेन । टिभीमा छोरो देखिन थालेपछि चांहि बाले भैंसी बचेर ६ महिनाअघि डिस होम जोडेका छन् । गामका सबै टिभी हेर्न झुम्मिन्छन् रे । ‘छोरो हुनु भनेको काकाको जस्तो पो त । हाम्रा चाँहि डोरीलाहुरे बन्न हाम्फाले खाडीतिर भन्छन रे ।’ फोनमा बाले अस्ति भनेका ।
 ००००
‘अब चाँहि तपाईलाई भनेर केही लाग्ला जस्तो लागेन । यतिका दिनसम्म त सुधि्रनुहोला भन्ने थियो । अब चाँहि पत्याइँन ।’ राति अबेर म्यासेज आयो । अस्तिमात्रै तीतोसत्य भन्दै टिभीका पत्रकारले तलव नपाएको कथा प्रशारण गर्दिएछ । त्योबेला सोंधेकी थिइन् मलाई । व्यंग्य गरेको नि, भनेर जवाफ दिएँ । पर्दाको अनुहारको भ्रममा रहेकी उनलाई अर्को भ्रम र झुठ थपिदिएँ । तलब पनि सोधेकी थिइन् । केटाको तलब र केटीको उमेर नसोध्नु भन्छन् भनेर टार्न खोजेको हो, सकिँन । भनंे, ‘३० हजार हो ।’ पत्याइन् । उनले पनि भनिन्.’मेरो भन्दा ७ हजार बढी रै’छ है ।’ हो भनें । विचरीलाई के थाहा, महिनामा ७ हजार रुपैयाँ तलब छ भन्ने । त्यो पनि ९ महिनादेखि पा’को होइन । फेरि त्यही च्यानलले जिरेखोर्सानी भन्दै अर्को भाग प्रशारण गरेछ, टीभी पत्रकारको रामकहानी । त्यस्तै व्यंग्यवाण हानेछ । एउटा साप्ताहिक पत्रिकाले पनि बेलाबेला त्यस्तै समाचार लेख्छ । त्यो पनि पढेकी रहिछन् । धन्न, घरमा डिसहोमको रिचार्ज सकिएको रैछ । बाले हेर्न भ्याएनछन् ।
००००
‘आनन्दको गुलाफमा तेजाब खन्याइदाको पीडा र विवशतता बुझ्छौ नि । गहिरो घाउ कोट्याउन खोज्दा बिछट्टै दुख्छ र घाउ आलो भएर उधुम चहर्याउनेरहेछ ।’ निकै भावुक बनेर दुई दिनपछि म्यासेज रिप्लाई गरें । उनका असीम पीडा ह्वालह्वाल पोखिने म्यासेजले तनाव त थपिरहेकै थियो । बाले अस्ति फोनमा दुई/तीन महिनाको तनखा पठाइदे न खर्चबर्च छैन भन्दै थिए । तीखो काँडा बनेर धड्कन रोक्ने गरी निकै निकै घोच्ने वास्ताविकता र वाध्यता ओकल्न पनि मिलेन । तौलिएरै बोलिरा’थे ।
‘यु आर अ रियल जर्नालिष्ट । हजारौं सपना,अपेक्षा,चाहना र इच्छाभन्दा एउटा भ्रमबाट छुटकारा पाउनु कयौं गुण फलदायी हुन्छ । मनमा अनगिन्ती छाल,सन्दर्भ र अनुभूतिहरु मडारिन्छ तर लेख्न सकिँन । धन्यवाद ।’ उनको जवाफी म्यासेज आयो मध्यरातमा । अर्थ बुझेको भा’ मार्दिनु ।
प्रेम झांगिनु पर्ने हो,अचेल किन हो खै जीवनका रंगहीन रातको कथा सुनाउँछिन् । सपना, आकांक्षा र भावनाहरु गिजोलिएको पीडा भन्छिन् । मेरा आश्वासनले उनको मन पग्लिन छाडेको छ । अनुभूतिका असंख्य तरेलीहरुसँग उसैगरी अनुभूत भइरहेको छैन । पीडा र व्यथाको सामीप्यले कहिल्यै नमिलेको सम्बन्धझै पारेको छ अचेल । तलब र जागिरको पर्दा उघि्रएपछि सम्बन्ध धमिलो बनाउँदैछ सायद । पातलो र निरस ।
भोलि बा’ले फोन गर्दैछन्, तनखा माग्न । आयस्ता भए पो दिनु । वास्तविकता र विवशताको अर्को पर्दा खुल्ने दिन आयो । अनि, कुन दिन घुर्‍यानतिर हुर्‍याउने हुन् बाले त्यो डिसहोम ।
 


शुक्रवार, २०७० आश्विन ०३ गते ०९:१३ / Friday, Sep 20, 2013 9:13 am


Share |
प्रतिक्रियाहरु
bibek sharma, doha
आफनै कथा जस्तो छ । निकै राम्रो र मार्मीक

प्रतिक्रिया पठाउनुस्
नाम *
ईमेल *
ठेगाना *
प्रतिक्रिया *
क्याप्चा *
 
 
   

अरु समाचारहरु :: साहित्य चौतारी
1.   अनेसास र एनआरएनको साहित्यिक कार्यक्रम सम्पन्न
2.   मेरो पट्टु, मेरो बिरालो
3.   मैले खुसी किन लेखेँ?
4.   गीतकार पद्मा लिंखा मगर अनि नजर गीति संग्रह
5.   कविता - प्रेम त्यो हो.. : मनु लोहोरुङ
6.   सिर्जना उत्सवमा न्युयोर्कका सिर्जनाका यात्राहरू
7.   कथाः रक्सी पिएको रात
8.   प्रवासी सर्जकको कृति लोकार्पण
9.   विदेशिनुको वास्तविकता
10.   मनुज, ध्रुवचन्द्र, युवराजलाई कलाश्री
11.   साहित्यकार जगदिश घिमिरेको निधन
12.   साहित्यकारद्वय जोशी र शर्मा सम्मानित
13.   मनमा यसरी डढेलो लाग्ने गरी फेरि यति चाँडै कसले गर्‍यो होला यो फोन ?
14.   बेलायतमा घन्कियो नेपाली गजल
15.   मनुज, ध्रुवचन्द्र र नयाँघरेलाई कलाश्री पुरस्कार
16.   शारदा शर्मा र सत्यमोहन जोशीलाई पद्मश्री
17.   युएईमा ‘श्रमिक साथी’ पुस्तक विमोचन
18.   ‘दमिनी भिर’लाई मदन पुरस्कार, जगदम्बा श्री रत्नशम्शेर थापालाई
19.   पत्रकार, प्रेमिका र डिसहोम
20.   अन्सारीको अतीत:युवराज नयाँघरे
21.   गर्भपतन
22.   बिचरा तिमी
23.   मिर्लुङको मेलोडी
24.   साइनो बेच्ने केटी
25.   सुडानमा मान्छेले मान्छे खान्छ रे हो ?
भर्खरै

न्यूयोर्कमा प्रथम नेपाली तारा दीपक लिम्बुको साथमा चुम्लुङ नाईट हुँदै

न्यूयोर्कमा प्रथम नेपाली तारा दीपक लिम्बुको साथमा चुम्लुङ नाईट हुँदै किरात याक्थुङ चुम्लुङ अमेरिकाको आयोजनामा आगामी डिसेम्बर ९ तारिख न्यूयोर्कमा “चुम्लुङ नाईट-२०१७” नामक सांगीतिक कार्यक्रम हुने भएको छ । कार्यक्रममा प्रथम नेपाली तारा दीपक लिम्बुको एकल गायन र अन्य विविध् सांस्कृतिक कार्यक्रम रहने आयोजक बताएकोछ । लिम्बु विगत २ महिनादेखि आफ्नो सांगीतिक कार्यक्रमको सिलसिलामा अमेरिकामा रहदै आएकाछन् ।

न्यूयोर्क सिटी कम्पट्रोलरद्धारा फिप्ना सम्मानित

न्यूयोर्क सिटी कम्पट्रोलरद्धारा फिप्ना सम्मानित तिहारको अवसर पारेर न्यूयोर्क सिटी कम्पट्रोलर स्कट स्ट्रिङगरले नेपाल आदिवासी जनजाति महासंघ अमेरिका, (फिप्ना)लाई सम्मान गरेको छ । गत अक्टोबर २५ तारिख न्यूयोर्कको कुईन्सस्थित एल्मर्हस्ट अडिटोरियममा आयोजित एक कार्यक्रममा फिप्नालाई उक्त सम्मान प्रदान गरिएको हो ।

न्यूयोर्कमा कमलेको बिहे भव्य रेड कार्पेट प्रिमियर शो सम्पन्न

न्यूयोर्कमा कमलेको बिहे भव्य रेड कार्पेट प्रिमियर शो सम्पन्न प्रसन्न पौंडेल निर्देशित नेपाली चलचित्र कमलेको बिहेले न्यूयोर्कमा भव्य रेड कार्पेट शो गरेको छ । चलचित्रको गत सेप्टेम्बर १७ तारिख न्यूयोर्कको कुईन्सस्थित गुल्सन टेरेसमा प्रिमियर शो सम्पन्न गरेको हो । यसअघि चलचित्रको बेलायत र हङकङमा बिशेष प्रर्दशन भएको थियो । नेपालमा भने चलचित्र आगामी मंसीरमा लाग्नेछ ।

बाढी पीडित सानुमाया राईको सहयोगार्थ न्यूयोर्कमा “यारी” प्रर्दशन गरिदै

बाढी पीडित सानुमाया राईको सहयोगार्थ न्यूयोर्कमा “यारी” प्रर्दशन गरिदै गत साउन २७ गते नेपालको सुनसरीमा गएको विनासकारी बाढीमा परेर ज्यान जोगाउन सफल सानुमाया राईको सहयोगार्थ न्यूयोर्कमा चलचित्र “यारी” को बिशेष प्रर्दशन गरिने भएको छ । स्थानिय बुढीखोलाको बाढीले करिब १० किलोमिटर बगाउँदा पनि आफ्नो ज्यान जोगाउन सफल राईको उपचारार्थ सहयोग रकम जुटाउने उद्देश्यले चलचित्रको प्रर्दशन गर्न लागिएको हो । चलचित्र यहि सेप्टेम्बर १६ तारिख न्यूयोर्कको कुईन्स, ज्याक्सन हाईटस्मा अवस्थित शेर्पा किदुगको भवनमा दिनको १ देखि ३ बजेसम्म प्रर्दशन गरिनेछ ।

न्यूयोर्कमा सबिन राई, शिब परियार र अमित पलको मेगा कन्सर्ट सेप्टेम्बर १५ तारिख

अल एलोन...शो मोस्ट गो अन लेख्दै अमेरिका उडे सबिन

न्यूयोर्कमा सबिन राई, शिब परियार र अमित पलको मेगा कन्सर्ट सेप्टेम्बर १५ तारिख नेपाली ब्रायन एडमको उपनामले परिचित ख्याती प्राप्त रक–पप स्टार सबिन राईले आगामी सेप्टेम्बर १५ तारिख न्यूयोर्कमा लाईभ कन्सर्ट गर्ने भएकाछन् । गायक राईसँगै चर्चित गायक शिब परियार र इन्डियन आईडल फस्ट रनर (सिजन ३) उपबिजेता अमित पलले उक्त मेगा कन्सर्टमा कार्यक्रम प्रस्तुत गर्ने भएकाछन् । गायक सबिन राई सेप्टेम्बर १२ तारिख न्यूयोर्क आईपुग्दैछन् भने परियार र पल सांगीतिक कार्यक्रमको सिलसिलामा अमेरिकामै रहेकाछन् ।

एनआरएन अमेरिकामा डा. पौडेल पुन: निर्वाचित

एनआरएन अमेरिकामा  डा. पौडेल पुन: निर्वाचित गैर आवासीय नेपाल संघ (एनआरएनए) राष्ट्रिय समन्वय परिषद् अमेरिकाको अध्यक्षमा डा. केशव पौडेल पुन: निर्वाचित भएका छन् । यसअघि पौडेल सन २०१५ मा पनि उनी अध्यक्षमा निर्वाचित भएका थिए । पौडेलले उनका निकतम प्रतिस्पर्धी रविना थापालाई पराजित गर्दै दोस्रो कार्यकालको लागि निर्वाचित भएका हुन् । उनले चार हजार २ सय २९ मत प्राप्त गरेका थिए भने थापाले तीन हजार ८५ मत प्राप्त गरेकी हुन् ।

न्यूयोर्कमा आदिवासी चलचित्र महोत्सव सम्पन्न, मगर भाषाको लोम्बा सर्बोत्कृष्ट चलचित्र

न्यूयोर्कमा आदिवासी चलचित्र महोत्सव सम्पन्न, मगर भाषाको लोम्बा सर्बोत्कृष्ट चलचित्र अमेरिकाको न्यूयोर्कमा आयोजित "आदिवासी चलचित्र महोत्सव-२०१७" बिभिन्न ११ बिधामा चलचित्रका कलाकार र प्राविधिकहरुलाई अवार्ड प्रदान गर्दै सम्पन्न भएको छ । नेपाल आदिवासी जनजाति महासंघ, अमेरिका (फिप्ना) ले पहिलो चोटी आयोजना गरेको उक्त महोत्सव अगस्त २५ देखि २७ तारिखसम्म न्यूयोर्कमा सम्पन्न भएको थियो ।

न्यूयोर्कमा सम्पन्न हुने आदिवासी चलचित्र महोत्सवको लागि ११ चलचित्रहरु छनौट (सूची सहित)

उत्कृष्ट चलचित्रलाई नगद एक लाख पुरस्कार

न्यूयोर्कमा सम्पन्न हुने आदिवासी चलचित्र महोत्सवको लागि ११ चलचित्रहरु छनौट (सूची सहित) अगष्ट २५ देखि २७ तारिखसम्म न्यूयोर्कमा सम्पन्न हुन लागेको आदिवासी चलचित्र महोत्सवको लागि ११ चलचित्रहरुको छनौट भएको छ । महोत्सवको लागि बिभिन्न जातिका ७ लामा चलचित्र र ४ वटा लघु चलचित्रहरु अन्तिम छनौटको सूचीमा परेका हुन् । महोत्सव नेपाल आदिवासी जनजाति महासंघ अमेरिका (फिप्ना)को मुख्य आयोजनामा ३ दिन आयोेजना हुनेछ । महोत्सवमा सहभागिताको लागि ३९ चलचित्रहरु दर्ता भएका थिए ।

न्यूयोर्कमा नेपाली लेडिज नाईटको ५ औं संस्करण भव्य रुपमा सम्पन्न

न्यूयोर्कमा नेपाली लेडिज नाईटको ५ औं संस्करण भव्य रुपमा सम्पन्न अमेरिकाको न्यूयोर्कमा सक्रिय महिलाहरुले विगत ५ बर्षदेखि नियमित रुपमा आयोजना गर्दै आएको लेडिज नाईटको ५ औं संस्करण भव्य रुपमा सम्पन्न भएको छ । कार्यक्रम गत जुन १० तारिख न्यूयोर्कको कुईन्स ज्याक्सन हाईट्सस्थित बेलोजिनो हलमा बिविध सांस्कृतिक कार्यक्रमको साथमा सम्पन्न भएको हो ।

राजेश पायल राई र बसन्ती राईको "सोई ढोले सोई.."को म्यूजिक भिडियो सार्वजानिक

राजेश पायल राई र बसन्ती राईको उभौली पर्वको अवसर पारेर गायिका बसन्ती राईले प्रकाशोन्मुख एकल गीतिएल्बममा समाबेश एक गीतको म्युजिक भिडियो सार्वजानिक गरेकीछन् । नेपाली संगीतमा मेघास्टारका रुपमा परिचित भर्सटायल गायक राजेश पायल राई र बसन्ती राईको आवाजमा रहेको साकेला भाकाको गीत “सोई ढोले सोई...” को म्युजिक भिडियोलाई चर्चित हाँस्यकलाकार विल्सन विक्रम राईले निर्देशन गरेका हुन् ।

न्यूयोर्कमा गुरुङ संस्कृतिमा आधारित चलचित्र मैंरिमो को भव्य प्रिमियर शो सम्पन्न

दर्शकको अनुरोधमा पुनः प्रर्दशन हुँदै

न्यूयोर्कमा गुरुङ संस्कृतिमा आधारित चलचित्र मैंरिमो को भव्य प्रिमियर शो सम्पन्न गुरुङ भाषा र संस्कृतिमा आधारित चलचित्र मैंरिमोको प्रिमियर शो अमेरिकाको न्यूयोर्कमा भव्य रुपमा सम्पन्न भएको छ । में ७ तारिख सम्पन्न चलचित्रको प्रथम् प्रर्दशन पश्चात् दर्शकहरुको बिशेष अनुरोधमा चलचित्रको पुनः प्रर्दशन गर्न लागिएको चलचित्रका नायक एवं निर्माता प्रेम गुरुङले जानकारी गराएकाछन् ।

किरात याक्थुङ चुम्लुङ अमेरिकाको अध्यक्षमा दीपेश लिम्बु

किरात याक्थुङ चुम्लुङ अमेरिकाको अध्यक्षमा दीपेश लिम्बु किरात याक्थुङ चुम्लुङ अमेरिकाको अध्यक्षमा दीपेश लिम्बु सर्वसम्मत निर्वाचित भएकाछन् । गत अप्रिल २९ तारिख न्यूयोर्कमा सम्पन्न चुम्लुङको छैठौं अधिवेसनले लिम्बुसँगै १३ सदस्यीय कार्यसमितिको चयन गरेको छ ।

में २१ मा दोस्रो नेपाल डे परेड हुँदै, ४० भन्दा बढि आयोजक संस्था (नामावली सहित)

परेडका प्रमुख अतिथि न्यूयोर्क सिटीका मेयर ब्लाजिओ

में २१ मा दोस्रो नेपाल डे परेड हुँदै, ४० भन्दा बढि आयोजक संस्था (नामावली सहित) विश्वको राजधानी मानिने अमेरिकाको न्यूयोर्कमा आगामी में २१ तारिख, आईतबार दोस्रो नेपाल डे परेडको आयोजना हुने भएको छ । न्यूयोर्क लगायत अमेरिकाका बिभिन्न राज्यमा स्थापित ४० भन्दा बढि सामाजिक संघ/संस्थाको संयुक्त आयोजनामा परेड सम्पन्न हुन लागेको गत शुक्रबार आयोजित पत्रकार भेटघाट कार्यक्रममा जानकारी गराईएको थियो । परेडमा प्रमुख अतिथिका रुपमा न्यूयोर्क सिटीका मेयर विल द ब्लाजिओ उपस्थित हुने भएकाछन् ।

न्यूयोर्कमा साइली नाईटको तयारी पूरा

९५ प्रतिशत टिकट सोल्ड आउट

न्यूयोर्कमा साइली नाईटको तयारी पूरा चर्चित एवं लोकप्रिय गायक हेमन्त रानाको बहुप्रतिक्षित न्यूयोर्क कन्सर्टको सम्पूर्ण तयारी पूरा भएको छ । आगामी अप्रिल २९ तारिख सम्पन्न हुन लागेको हेमन्त राना लाईभ ईन न्यूयोर्क नाम दिईएको उक्त कार्यक्रमको लागि गायक राना न्यूयोर्क आईसकेकाछन ।

न्यूयोर्कमा गीतकार इन्दिरा चेम्जोङको अर्काे जन्म सार्वजानिक

न्यूयोर्कमा गीतकार इन्दिरा चेम्जोङको अर्काे जन्म सार्वजानिक गीतकार इन्दिरा चेम्जोङद्धारा रचित गीति संग्रह अर्काे जन्मको न्यूयोर्कमा हिजो एक समारोह बीच विमोचन गरिएको छ । नेपाली अमेरिकन कलाकार संघले आयोजना गरेको उक्त कार्यक्रममा नेपाली महावाणिज्य दूतावास, न्यूयोर्कका वाणिज्य दूत कृषु क्षेत्रीको प्रमुख आतिथ्यमा सम्पन्न भएको थियो ।

उत्तर अमेरिका तामाङ सम्मेलन सेप्टेम्बरमा

उत्तर अमेरिका तामाङ सम्मेलन सेप्टेम्बरमा तामाङ सोसाईटी अफ अमेरिकाको आयोजनामा गत जनवरी २७ तारिख न्यूयोर्कमा सम्पन्न प्रथम ऐतिहासिक उत्तर अमेरिका तामाङ सम्मेलनको तयारी बैठक अध्यक्ष शान्तबाबु थोकरको अध्यक्षतामा सम्पन्न भयो । तयारी बैठकमा क्यानडा लगायत अमेरिका भरीका तामाङ संघ/संस्थाहरुको प्रतिनिधी एवं बिभिन्न व्यक्तिहरुको उपस्थिती रहेको थियो ।

में ६ मा गुरुङ चलचित्र मैंरिमो न्यूयोर्कमा प्रिमियर हुँदै

में ६ मा गुरुङ चलचित्र मैंरिमो न्यूयोर्कमा प्रिमियर हुँदै गुरुङ भाषा र संस्कृतिमा आधारित चलचित्र मैंरिमाकोे आगामी में ६ तारिख न्यूर्योकमा प्रिमियर हुने भएको छ । न्यूयोर्कको कुईन्सस्थित गुल्सन टेरेस (ढाका क्लव) मा प्रर्दशन हुन लागेको चलचित्र मैंरिमोमा न्यूयोर्क निवासी प्रेम गुरुङको लगानी र अभिनय रहेको छ । गुरुङ भाषाको मैंरिमोको नेपाली अर्थ सम्झी रहनु (मिस यु) हो ।

न्यूयोर्कमा “सेतो सुर्य”को बिशेष प्रर्दशन हुँदै

नेपालबाट दयाहाङ राई सहभागी हुने

न्यूयोर्कमा “सेतो सुर्य”को बिशेष प्रर्दशन हुँदै बिभिन्न अन्तर्राष्ट्रिय अवार्डहरु जित्न सफल नेपाली चलचित्र “व्हइट सन” अर्थात “सेतो सुर्य” को बिशेष प्रर्दशन न्यूयोर्कमा हुने भएको छ । दीपक रौनियर निर्देशित “सेतो सुर्य” आगामी मार्च १६ र १७ तारिख न्यूयोर्कको म्यानह्याटनको दुई अलग-अलग थिएटरमा प्रर्दशन हुने निमार्ण पक्षले बताएको छ ।

सरोज केसी : नेपालकै एक मानक मिडिया(पर्सोना)

सरोज केसी : नेपालकै एक मानक मिडिया(पर्सोना) सरोज के.सी. नेपाली मिडियाकर्ममा परिचय गराइरहनुपर्ने नाम हैन, यो आफैंमा एक सुपरिचित नाम अनि स्थापित ब्राण्ड होे । रेडियो जकी (आरजे) र भिडियो जकी (भीजे) दुबै रुपमा उत्तिकै लोकप्रिय यो नाम विगत १७ वर्षदेखि नेपाली मिडियामा एक छत्र राज गरिरहेको छ ।

गायक जगदिश समालको 'देउन तिम्रो माया' बोलको म्युजिक भिडियो सार्वजानिक

गायक जगदिश समालको 'देउन तिम्रो माया' बोलको म्युजिक भिडियो सार्वजानिक चर्चित एवं लोकप्रिय गायक जगदिश समालले नयाँ गीतको म्युजिक भिडियो सार्वजानिक गरेकाछन् । भ्यालेनटाईन डे को अवसर पारेर “देउन तिम्रो माया...” बोलको म्यूजिक भिडियो युट्युवबाट सार्वजानिक गरिएको हो ।

Presschautari.com is a dedicated internet based online media site to bring you news, events, interactions, discussions and forums to the Nepalese from abroad and Nepal, based in New York, US. Our primary objective is to make this site as a “complete media access” for all Nepalese people around the globe and promote relationships and explore the potentialities for growth and opportunities. Presschautari.com aims to serve the community with the professional ethics of journalism and understands the philosophy of ‘information right of people’. We feel, it is our responsibility to deliver the correct news and events to keep people be informed via exchange of ideas, interact and explore the potentialities for Nepalese. In this effort, presschautari.com team always expects constructive and creative supports from individuals and organizations.